ك حمرا يا شيخzطي

طلع عالمنبر, واكتشف إن معاه الميكروفون, وإن كل الناس إللي قاعدة عالأرض تحت, رافعين رقابهم طلبا لعلمه الجليل, العلم العلم بقة, ومفيش حد يقدر يقاطعه بقة, أيوة يا عم, " مش عارف مين إللي فهمهم إن مفيش حد يقدر يقاطعهم؟! وانشاء الله المرة الجاية لو خرّف هقاطعه وأصححله غلطة عشان يتخض خضة عمره ويعرف إن الله حق"... وافتكر كويس قوي الدرس إللي أكلهوله الشيخ أبوه بالمعلقة, وإللي أكله لأبوه الشيخ أبو أبوه بالمعلقة, وفهموه إن كل ما تأكل الناس العلم العظيم الجليل ده بالمعلقة, هتاخد حسنات كتير بالهبل, كتير فشخ يعني, أستغفر الله العظيم

"يعني لو أكلته لعشرة, وكل واحد فيهم أكله لعشرة يبقى 100 حسنة, والحسنة بعشرة أمثالها.. تخيل إنت بقى"

تقيأ المقدمة إللي هو حافظها زي كل مرة, وإللي أكلهاله الشيخ عمه بالمعلقة, وقاله إن هي دي الزتونة في أي خطبة, وهوبااااااااااا دخل عالمتين

"الإحتفال في شم النسيم حرااااااااااااااااام!!! سوف تندمون يوم لا ينفع الندم!!!!!!!! عيد الفراعنة لعنهم الله!! كانوا يرمون النساء في النيل طلبا للرزق!!!!! توت عنخ أمووووووووووووون والعياذ بالله!!!!!! الإله رع!!!! رع!!!!! تخيل أخي المسلم!!! الإله رععع!!!! ثم اليهوووووووووووود!! واه حسرتاااااااااااااااااااااااه إياكم والإقتراب من شم النسيم!! اليهووووووووود أخي المسلم!! اليهووووووووووووود!!! والنصارى!!!!!!!!!!! إنما أهلك الذين من قبلكم!!! النصارى واليهود والفراعنة!!!!!!! اليهود قتلة الأنبياااااااااااء أخي المسلم!! إياكم والإقتراب من شم النسيم!!!!!!!!! لا حول ولا قوة إلا بالله! انظروا أين وصلت أمة محمد!! اليهوووووووووود..........

إنت عبيط يا شيخ؟؟! إنت فاكرني حمار ولا عشان إنت الشيوخ إللي أكبر منك ركبوك وساقوك زي الحمار عايز الناس كلها تبقى حمير زيك؟؟!

الهبل والتمثيل والعياط والتأليف والإفتاءات إللي ملهاش أي تلاتين لازمة وجو النحنة والبكاء والعياط والندم, هما دول وسيلتك في الدعوة؟؟! أحا, هو ده إللي اتعلمته من الشيوخ إللي قبليك؟! طبعا هي دي وسيلتك الوحيدة بعد ما شيوخك استعملوا معاك نفس الوسيلة وخوفوك قوي من إنك تفكر وتستخدم مخك... بين قوسين استحمروك وسابوك ترعى في الأرض.

إنت فاهم أصلا ولا حافظ ولا إيه بالظبط؟؟! فكرت في كلامك قبل ما تقوله؟؟! ولا ترجيع والسلام؟

هتخسر إيه لو قلت للناس, افرحوا وانبسطوا وهيصوا والعبوا مع عيالكم وفسحوهم واصرفوا عليهم واستمتعوا بوقتكم في الكام يوم الأجازة دول, بشرط تبقى نيتكم لله؟!

هو أنا لو خرجت الكام يود دول وأكلت فسيخ هبقى مشرك؟؟ وكافر؟ وبعدين حدد كلامك.. هبقى مشرك ولا كافر؟؟!

مين قاللك إني هعبد الشمس ولا النيل ولا الخرا؟! مين قالك إني لما هكون قاعد باكل فسيخ والعصر يأذن مش هقوم أصلي؟؟!

هو يابني مش في حاجة إسمها نية؟؟! والأعمال بالنيات؟؟! حضرتك دخلت جوايا إمتى بقة وعرفت نيتي؟؟! طب والنبي لما تيجي تدخل بعد كدة إبقى خبط!!؟ قصدي "بالله عليك" أستغفر الله العظيم يا رب.

طب إيه رأيك بقى أنا هحتفل اليوم ده مع عيالي وهنخرج ونتفسح ونشغل أغاني في العربية وهعزمهم على كباب وكفتة ونيتنا طيبة لله وملناش أي دعوة ولا بعيد شم النسيم ولا بعيد مش عارف إيه ولا بالإله رع إللي بيروقك, وهنفضل مسلمين غصبن عنك يا شيخ, وغصبن عن الشيخ إللي استحمرك وساقك زي المعزة يا راجل يا معزة.

طب إنت قعدت مع نفسك قبل كدة وفكرت إيه الفرق بين الإحتفال في شم النسيم, والإحتفال بشم النسيم؟؟! نن ننا ناااااا...... شكراً.

طب إنت عارف إن الأعمال بالنيات, صح؟؟! ... شكراً.

المصيبة بقى إللي أوسخ من دي مليون مرة... إن إنت بتستعبط الناس إللي قدامك, بتستغفلهم, لأن للأسف هي دي فعلا الوسيلة الوحيدة إللي معاك عشان تقنع بيها الناس, عمال تزيط وتقول يهود ومش يهود وقتلة الأنبياء, يعني الحمدلله دلوقتي وصلنا لمرحة إن احنا نخوف الناس من اليهود ومن الحاجات إللي اليهود بتعملها.. لمجرد إنهم يهود, وعشان احنا شعب أصلا بيكره اليهود أكتر من هتلر ذات نفسه.. يبقى خلاص بقى, الناس دي جهلة أصلا وأول ما يسمعوا يهود هيعلّموا على شم النسيم ده للأبد وهطلع أنا بال 100 حسنة إللي إن شاء الله من نصيبي... نصيبك من نشر الجهل والتخلف واستعمال التعصب كوسيلة؟! خلاص بقت هي دي الدعوة الإسلامية؟؟! وعايزين دولة إسلامية؟! جتكم ستين نيلة لما تفهموا الإسلام الأول تبقوا تطالبوا بدولة اسلامية يا بهايم

لما تيجي تدعو المسلمين يا شيخ ابقى فكر في الكلام قبل ما تقوله, مش عشان الشيخ إللي أقدم منك قالهولك يبقى ده كلام مقدس والصح المطلق إللي أنزل عليه!

لو إنت بتفهم صحيح, تقول للناس يا جماعة مش حرام تحتفل في شم النسيم طالما أخلصت نيتك لله, وانك مالكش دعوة بأي شعائر دينية أي حد بيعملها, ولو عايز تنصح الناس قولهم يا جماعة بس احنا يا ريت على قد ما نقدر نحاول نختلف مع اخواتنا المسيحيين في اليوم ده, زي ما الرسول عليه الصلاة والسلام كان بيعمل, وهي دي السنة... لكن طول ما نيتك لله مش حرام

واحد بقى جامد جدا هيطلع يقوللي إنت قليل الأدب وسافل والشتيمة حرام ومش عارف إيه, هقوله ده ولا حاجة جنب الشيخ إللي عمال يحرم ويحلل ويكفر, ويرمي ده في الجنة ويرمي ده في النار... أنا بس بدوقهم فسوة من اسلوبهم

فهمت يا شيخ؟؟!.... شكراً.